TESTU LIRIKOEN ANTOLOGIA

Nire gazte denboran, Tocantins eta Goiásen, zenbaitetan egunkarietan irakurtzen nuen: Francok euskaldun bat kondenatu du garrote vil bidezko heriotzara. Zelako izen ikaragarria, garrote vil. Beldur nintzen, denok ginen beldur, nahiz eta egun arte inoiz garrote vil bat ikusi ez dugun, eta zer den ez dakigun. Horrek bultzatu ninduen euskaldunen lurrean eta euskaldunengan begitakotasun eta maitasun handiz pentsatzera. 'Euskaldun' hitza niretzat pertsona ausartarena zen, ia martiriarena, batez ere nire gazte denboran, oraindik erlijiosoa nintzelarik, 'martiria' hitzak botere liluragarria baitzuen. Inoiz ez dut euskaldun bat ezagutu edo hurbiletik ikusi. Beno, egia esan bai, ezagutu nuen, baina ez nekien euskalduna zenik, hura hil eta gero baino ez nuen jakin.