Lèt Mwa Me

Lavi avèk lanmò se de fas yon menm meday. Yo mache kòtakòt. Depandan zèv nou sou latè, prensip relijon kretyen yo kapab voye nou nan lanfè, nan pigatwa oswa nan paradi. Konsa, se zèv Ife ak soul pandan pasaj yo sou tè a, planèt ble a, ki te mennen yo nan paradi. Prensipal zèv yo se ede moun. [...] Nou pa kapab sispann ede lèzòt bati katedral rèv yo ... Kèlkeswa otè yo deside monte pou yo pase akwarèl espwa yo ... Se responsablite nou pou kanpe avèk yo ... Chak chedèv yo reyalize se nou tout ansanm, ki ap fè bras nan dlo lavi [...] (Lèt Ife ak Soul,2007, paj 86-87).